भारतामध्ये स्मार्टफोन खरेदी करणाऱ्यांसाठी एक मोठी खुशखबर समोर आली आहे. पंतप्रधान नरेंद्र मोदी यांनी स्वातंत्र्यदिनानिमित्त दिलेल्या भाषणात जीएसटी (GST) स्ट्रक्चरमध्ये बदल होण्याचे संकेत दिले. सध्या मोबाईल फोनवर 18% जीएसटी आकारला जातो, परंतु हा कर फक्त 5% केला जाऊ शकतो अशी माहिती तज्ञांनी दिली आहे. या निर्णयामुळे स्मार्टफोन खरेदी करणाऱ्या ग्राहकांना मोठा दिलासा मिळणार आहे. महागड्या फ्लॅगशिप फोनवर हजारों रुपयांची बचत होऊ शकते.
मुंबई बाजारात याचा थेट परिणाम दिसून येईल. उदाहरणार्थ, सध्या iPhone 16 ची किंमत ₹79,900 आहे. मात्र जीएसटी कमी झाल्यास ही किंमत सुमारे ₹71,097 पर्यंत खाली येईल. म्हणजेच ग्राहकांना थेट जवळपास ₹8,800 ची बचत होईल. त्याचप्रमाणे Samsung Galaxy S24 Ultra ज्याची सध्याची किंमत ₹1,09,999 आहे, तो मोबाईल सुमारे ₹97,880 मध्ये उपलब्ध होऊ शकतो. अशा प्रकारे प्रीमियम श्रेणीतील स्मार्टफोन हजारोंनी स्वस्त होणार असल्यामुळे ग्राहकांना आकर्षक पर्याय मिळतील.
तज्ञांच्या मते, जीएसटी कपातीमुळे स्मार्टफोन बाजारात मोठी तेजी येऊ शकते. आजच्या काळात मोबाईल फोन हे केवळ लक्झरी प्रॉडक्ट नसून आवश्यक वस्तू बनले आहेत. त्यामुळे कर कमी केल्यास अधिक लोकांना नवीनतम तंत्रज्ञानाचा लाभ मिळेल. यामुळे केवळ ग्राहकांनाच नाही तर मोबाईल कंपन्यांनाही विक्री वाढीसाठी चालना मिळेल. मुंबईसारख्या महानगरात, जिथे iPhone आणि Samsung चे मोठे चाहते आहेत, हा बदल बाजारात क्रांती घडवू शकतो. एकंदरीत पाहता, सरकारचा हा निर्णय लोकशेवेच्या दृष्टीने ग्राहकांना मोठा दिलासा देणारा ठरेल आणि स्मार्टफोन खरेदी आणखी सोपी व परवडणारी बनेल.
0 Comments